«Ամենաթանկ անշարժ գույքը որքա՞ն արժի եւ որտե՞ղ է գտնվում»,-ԱԺ-ում այսօր 2018թ.-ի բյուջեի կատարողականի քննարկման ժամանակ ՀՀ անշարժ գույքի կադաստրի կոմիտեի ղեկավար Սարհատ Պետրոսյանին այսպիսի հարց ուղղեց «Իմ քայլը» խմբակցության պատգամավոր Հայկ Գեւորգյանը: Սարհատ Պետրոսյանը պատասխանեց. «Դե, մամուլից հայտնի է, որ ամենաթանկ անշարժ գույքը դա Ազատության պողոտա 1/14 (եթե չեմ սխալվում) հասցեի գույքն է, որը նախագծվող է, ԱԺ-ն այն դեռ պետք է վավերացնի: Դրա գույքահարկը եւ հողակարգը տարեկան 3 միլիոն 206 հազար դրամ են կազմում: Արժեքը ներառում են թենիսի կորտը, լողավազանը»:
Գեւորգյանը հետաքրքրվեց՝ «շուկայական գինը որքա՞ն է գնահատված»: Սարհատ Պետրոսյանը պատասխանեց, որ չգիտի:
Լուիզա ՍՈՒՔԻԱՍՅԱՆ
