«Ես Իրանի հարցերով փորձագետ չեմ ու չեմ կարող վերլուծություններ անել ՌԴ հետ հարաբերությունների մասով, այլ կարող եմ ասել, որ այդ հարաբերությունները բավականին արդյունավետ են», – այսօր հրավիրված մամուլի ասուլիսում, ի պատասխան լրագրողների հարցերին, ասաց ՀՀ-ում ՌԴ դեսպան Սերգեյ Կոպիրկինը:
Իրանի դեմ պատժամիջոցներն, ըստ դեսպանի, չեն խանգարում Եվրասիական տնտեսական միության շրջանակում հարաբերությունների զարգացմանը:
Ըստ դեսպանի, իրենց բոլոր բացասական հետեւանքներով հանդերձ, պատժամիջոցները համագործակցության համար խոչընդոտ դառնալ չեն կարող: Իրան-ԵԱՏՄ ազատ առեւտրի գոտին, ըստ դեսպանի, կարող է իրական հնարավորություններ ստեղծել Իրանի եւ ԵՏՄ-ի միջեւ հարաբերությունների խորացման համար. «Այս փաստաթուղթը լրացուցիչ հնարավորություններ է բացելու համագործակցության համար»:
Հիշեցնենք, որ Եվրասիական տնտեսական միության եւ Իրանի միջեւ ազատ առեւտրի գոտու ստեղծմանն ուղղված ժամանակավոր համաձայնագիրը ստորագրվել է հունիսի 10-ին Մոսկվայում, իսկ իրանական կողմը երեկ վավերացրեց այն:
Կարդացեք նաև
Նելլի ԳՐԻԳՈՐՅԱՆ
