ԱԺ-ում այսօր 2018թ.-ի բյուջեի կատարողականի քննարկման ժամանակ «Իմ քայլը» խմբակցության պատգամավոր Լուսինե Բադալյանը ՀՀ Առողջապահության նախարար Արսեն Թորոսյանից հետաքրքրվեց. «Պատվաստումների քանակն ինչո՞ւ է նվազել, ծնելիության նվազման հետ է կապվա՞ծ»:
Արսեն Թորոսյանը պատասխանեց, որ պատվաստումների նվազման միտում կա, ինչը ցավալի է, հատկապես՝ մինչեւ մեկ տարեկան երեխաների պատվաստվելու առումով. «Լուրջ միջոցառումներ պետք է ձեռնարկենք կեղծ տեղեկատվության դեմ, որպեսզի ցուցանիշը չիջնի թույլատրելիի շեմից»:
Արսեն Թորոսյանի խոսքով՝ հիմա նախարարության խնդիրն այն է, որպեսզի ավել քանակի պատվաստանյութ չգնվի՝ հետագայում դրանք թափելուց խուսափելու համար: «Կարծում եմ՝ այս տարում այս խնդիրը լուծած կլինենք: Ոչ պետք է ունենալ պակաս թվով, ոչ էլ ավել»,-նկատեց նախարարը:
Լուիզա ՍՈՒՔԻԱՍՅԱՆ
