ՀՀ-ում Չինաստանի դեսպան Թիան Էլրունի կարծիքով, ԵԱՏՄ-ն այս տարածաշրջանում կարեւոր կառույց է, որն մեծ ներուժ ունի: Այս մասին դեսպանն ասաց`այսօր խորհրդարանում ընթացող «ՀՀ նախագահության տարին ԵԱՏՄ-ում. մարտահրավերներ և հնարավորություններ» թեմայով լսումների ժամանակ:
ԵԱՏՄ անդամ երկրները դեսպանը համարում է Չինաստանի համար բարեկամ եւ կարեւոր գործընկերներ:
«Օրինակ, Չինաստանը Ռուսաստանի համար թիվ մեկ առեւտրային գործընկերն է, ապրանքաշրջանառության ծավալը երկրների միջեւ հատել է 1 մլրդ դոլարի շեմը: Նույնը կարելի է ասել Ղազախստանի, Բելառուսի եւ, իհարկե, Հայաստանի եւ Ղրղզստանի մասին: Հետեւաբար, մեզ համար կարեւոր է լսել ձեր կարծիքը միության հետագա հեռանկարների մասին», – ասաց դեսպանը:
Դեսպանը հավաստիացրեց նաեւ, որ իր երկիրը շահագրգիռ է ինչպես ԵԱՏՄ, այնպես էլ այս միության բոլոր անդամ երկրների հետ առանձին-առանձին համագործակցությամբ: Դեսպանը նաեւ տեղեկացրեց, որ շուտով ուժի մեջ կմտնի Չինաստանի եւ ԵԱՏՄ-ի միջեւ կնքված համաձայնագիրը, որը լրացուցիչ խթան կհանդիսանա միության երկրների հետ Չինաստանի համագործակցության համար. «Այս հարցում ես մեծ հեռանկարներ ու հնարավորություններ եմ տեսնում»:
Կարդացեք նաև
Նելլի ԳՐԻԳՈՐՅԱՆ
