Ադրբեջանի ԱԳՆ-ն հերթական անգամ Հայաստանին մեղադրել է արտգործնախարարների հանդիպումից առաջ սահմանի վրա իրավիճակը սրելու և բանակցությունները տապալելու փորձի մեջ, գրում է Report.az-ը:
Մասնավորապես, ադրբեջանական բանակի զինվորի կորուստը ԱԳՆ-ն անվանել է «հերթական արյունալի գործողություն», որը միտված է ԵԱՀՄ Մինսկի խմբի համանախագահների միջնորդությամբ Հայաստանի և Ադրբեջանի արտգործնախարարների սպասվող հանդիպումից առաջ բանակցությունների տապալմանը և տարածաշրջանում լարվածության ուժեղացմանը:
«Ընդգծում ենք, որ այդ սցենարի իրականացման ամբողջ պատասխանատվությունն ընկնում է Հայաստանի և այդ երկրի ղեկավարության վրա»,- ասվում է հաղորդագրության մեջ:
Պատրաստեց՝ Վիկտորյա ԱՆԴՐԵԱՍՅԱՆԸ
