Ֆիջիում ավարտվեց ծանրամարտի աշխարհի երիտասարդական առաջնությունը, որին Հայաստանը մասնակցեց հինգ մարզիկով:
Եզրափակիչ օրը գերծանր քաշային (+109 կգ) Վարազդատ Լալայանը իրանցի երկու գլխավոր մրցակիցների հետ պայքարում պատվով դուրս եկավ: Պոկում վարժությունում թեեւ մեր ծանրորդը 192 կգ-ով բավարարվեց փոքր արծաթով, սակայն հրում վարժությունում նրա 227 կիլոգրամը եւ երկամարտի 419 կիլոգրամը չեմպիոնական արդյունքներ էին:
Աղջիկների մրցակցության մեր միակ մասնակիցը՝ +87 կգ քաշային Արփինե Դալալյանը, հրում վարժությունում ցույց տվեց 140 կիլոգրամ եւ արժանացավ փոքր բրոնզե մեդալի:
Կարդացեք նաև
Ֆիջիում մեր երիտասարդ ծանրորդներն ընդհանուր առմամբ նվաճեցին 2 ոսկե, 1 արծաթե եւ 2 բրոնզե մեդալ:
Աշոտ ՀԱԿՈԲՅԱՆ
