«Մենք վարչապետի հետ ունենք շատ լավ աշխատանքային հարաբերություններ»,-հարցին՝ արդյոք իր գործողությունները համաձայնեցվա՞ծ են վարչապետի աշխատանքի հետ, Դիլիջանում անցկացվող «Մտքերի հայկական գագաթնաժողովին» լրագրողների հետ զրույցում հայտարարեց ՀՀ նախագահ Արմեն Սարգսյանը:
Aravot.am-ի հարցը՝ ինչո՞ւ որոշում կայացրեց ՍԴ դատավորի թեկնածու առաջադրել Վահե Գրիգորյանին, քանի որ շատերը կարծում են, որ դա քաղաքական նպատակահարմարությունից ելնելով էր, Արմեն Սարգսյանը թույլ չտվեց մինչև վերջ հնչի, միայն փոխանցեց հետևյալը. «Իր ժամանակ ճշգրիտ պատասխան կտամ: Խորհուրդ կտամ նախագահի հայտարարությունները շատ ուշադիր կարդալ, քանի որ ես մասնագիտությամբ ֆիզիկոս և մաթեմատիկոս եմ և ինչ գրում եմ, գրում եմ մաթեմատիկական բանաձևի ճշտությամբ»:
Լրագրողներից մեկի դիտարկմանը՝ հանրապետականները կարծես թե դժգոհ են Արմեն Սարգսյանի արձագանքից, նախագահն այսպես արձագանքեց. «Ես չեմ եկել նրա համար, որ բոլորը ուրախ լինեն: Ես եկել եմ, որ ծառայեմ մեր երկրին, ժողովրդին և ձեզ»:
Կարդացեք նաև
Տաթև ՀԱՐՈՒԹՅՈՒՆՅԱՆ
