Ազգային ժողովում այսօր լրագրողները ԲՀԿ առաջնորդ Գագիկ Ծառուկյանից հետաքրքրվեցին՝ «Ռոբերտ Քոչարյանի գիրքը կարդացե՞լ եք»: Ծառուկյանը պատասխանեց, որ ոչ:
Ապա նշեցին, որ Քոչարյանն այդ գրքում գրել է. «2007թ.-ին ինձ անհրաժեշտ էր ստեղծել պոպուլիստական կուսակցություն»: «Ինչ կուսակցությո՞ւն»,-հարցրեց Ծառուկյանը, ապա լսեց պատասխանը՝ «պոպուլիստական»: «Գնացեք իրեն հարցրեք»,-ասաց Ծառուկյանը:
Ապա շարունակեց, որ ԲՀԿ-ն 2007-ին չի ստեղծվել, այլ 2004.թ-ին. «Ստեղծել եմ ես՝ իմ համակիրներով եւ ժողովրդի ցանկությամբ, եւ մինչեւ այսօր էլ դա պահում եմ համակիրներիս եւ ժողովրդիս ցանկությամբ: Երբ զգամ, որ կարիք չկա, կփակեմ…Քոչարյանի հետ կապ կլիներ, եթե լիներ ծանոթ, բարեկամ…թե չէ կուսակցություն բացել, գումար…լուրջ մարդիկ եք: Օրը հարյուր հատ կուսակցություն են բացում, բան չեք ասում, Ծառուկյանին եք ասում»:
Կարդացեք նաև
Լուիզա ՍՈՒՔԻԱՍՅԱՆ
