«Համահարթ տոկոսադրույքի վերաբերյալ դժգոհությունները հիմնականում կայանում են նրանում, որ հարկման հավասարության սկզբունքը չի պահպանվում. մեծ եւ նվազ եկամուտ ստացողները նույն դրույքաչափով են հարկվում, եւ այստեղ սոցիալական անարդարություն կա»,-լրագրողների հետ ճեպազրույցում այսօր անդրադառնալով եկամտահարկի համահարթեցման դեմ բողոքի ցույցերին, ասաց ՀՀ Պետեկամուտների կոմիտեի նախագահ Դավիթ Անանյանը:
Նա նշեց. «Համաձայն եմ նշյալ տեսակետի հետ, բայց աշխարհում մի քանի տեսակի հարկման համակարգ կա: Երբ սահմանում ես համահարթ մեկ տոկոս, բայց միաժամանակ՝ չհարկվող շեմ, այդպես պահում ես փոքր եկամուտ ստացողին քիչ հարկելու գաղափարը: Ըստ երկրորդ համակարգի՝ չկա շեմ, բայց կա սանդղակ, ինչը մենք ունենք այսօր: Նման տարբերակներից յուրաքանչյուրը կառավարությունը քննարկել է: Չեմ ասում, թե սա ամենալավ տարբերակն է, բայց հանրությանը պետք է կարեւոր բան ասել՝ դուք անձի հարկումը պետք է դիտեք եկամուտների եւ գույքի միասնական հարկման տեսանկյունից: Եկամտահարկի համահարթ տոկոսադրույքի բացասական արդյունքը կամ սոցիալական անարդարությունը չեզոքացվում են գույքահարկի համակարգի ներդրմամբ: Այսինքն, բարձր եկամուտ ստացողը գույք ձեռքբերելիս ավելի շատ հարկ է վճարում, քան գույք չունեցողը: Այստեղ մասնագիտական խնդիր չեմ տեսնում»:
Մանրամասն՝ տեսանյութում
https://www.facebook.com/aravot.am/videos/190438768555173/
Կարդացեք նաև
Լուիզա ՍՈՒՔԻԱՍՅԱՆ
