«ՀՀ իշխանության մոտեցումը հստակ է, բայց եթե դրանից ենթադրվում են հողեր ծախելու մասին խոսակցություններ, նման բան չկա: Տարբեր տեղերից են նման մեկնաբանություններ հնչում: Ինչպե՞ս եք պատկերացնում, որ ՀՀ իշխանությունն անի մի բան, որը չի բխում ՀՀ եւ Արցախի ժողովրդի շահերից»,-լրագրողների հետ զրույցում այսօր հայտարարեց ՀՀ ԱԳ նախարար Զոհրաբ Մնացականյանը:
«Չի կարող նման բան լինել: Հող ծախելու հարցն ընդհանրապես քննարկման ենթակա չէ»,-վստահեցրեց Զոհրաբ Մնացականյանը: Դիտարկմանն ի պատասխան, որ նմանօրինակ հայտարարություններն Ադրբեջանը կարող է իր շահերի համար օգտագործել, Մնացականյանն ընդգծեց. «Այնպես չէ, որ միամիտ ենք եւ չենք կարող օգտագործման մասին հայտարարություններին անդրադառնալ: Մեր հասարակությունը ժողովրդավար է: Շատ բաներ քննարկվում են, քննադատվում: Մեր բաց լինելը մի շփոթեք այլ բաների հետ եւ մեր դեմ մի օգտագործեք»:
https://www.facebook.com/aravot.am/videos/663387167418845/
Լուիզա ՍՈՒՔԻԱՍՅԱՆ
