«Չգիտենք, չենք տեսել, թե ինչ է այդ նախագիծը ենթադրում, ուստի մեզ համար դա անհասկանալի գործելաոճ է: «Վեթինգի» նախագծի մշակման մասին մենք իմացել են այն ժամանակ, երբ Լիլիթ Մակունցն ԱԺ ամբիոնից հայտարարեց այդ մասին եւ խմբակցություններին հրավիրեց առաջարկներ ներկայացնելու»,-լրագրողների հետ ճեպազրույցում այսօր հայտարարեց ԲՀԿ պատգամավոր Իվետա Տոնոյանը: Նրա գնահատմամբ՝ դատական համակարգում, միանշանակ, պետք է իրականացնել փոփոխություններ:
Տոնոյանը շեշտեց՝ ապրիլյան ռազմական գործողությունների հարցով ԱԺ քննիչ հանձնաժողովի մասին եւս նախապես չեն իմացել. «ԲՀԿ-ն մշտապես խոսել է մտահոգիչ դրույթների մասին: Ազնիվ կլիներ, եթե «Իմ քայլի»՝ հանձնաժողովի ստեղծման ստորագրահավաքին մասնակցած լինեին նաեւ ԲՀԿ-ի եւ ԼՀԿ-ի պատգամավորները: Ինչեւէ, հանձնաժողովը սկսել է աշխատանքը: Մենք առաջարկելու ենք կանոնադրական փոփոխություն իրականացնել, որպեսզի հանձնաժողովի աշխատանքում կարողանան ներգրավվել նաեւ անհատ՝ մասնագետ պատգամավորներ»:
ԲՀԿ պատգամավոր Վահե Էնֆիաջյանն էլ մատնանշեց, որ «վեթինգը» ոչ միայն դատական համակարգի ներկայացուցիչների հանդեպ պետք է իրականացվի, այլեւ այլ ոլորտների:
https://www.facebook.com/aravot.am/videos/350702612189858/
Կարդացեք նաև
Լուիզա ՍՈՒՔԻԱՍՅԱՆ
