Լրատվամիջոցների հետ հանդիպմանը քաղաքագետ Աղասի Ենոքյանը անդրադարձավ գործող իշխանության այսօրվա քաղաքական օրակարգին:
«Մենք տեսնում ենք, որ Նիկոլ Փաշինյանը ցանկանում է մենիշխանություն ստանալ: Նա հայտարարեց, թե իրեն խանգարող երկու խնդիր կա՝ դատական իշխանությունը եւ Արցախի իշխանությունները: Ես կարծում եմ, շուտով երրորդի մասին էլ կխոսի:
Դատական իշխանության հետ տեսանք, թե ինչ արվեց: Հայտարարվեց, որ դատական իշխանությունը կոռումպացված է եւ վերջ՝ ուրեմն պետք է փակել դատարանները:
Արցախի իշխանության մասին էլ ասաց, որ նրանք դավադրություն են հյուսում իր դեմ: Սա որեւէ տրամաբանական քննության չի դիմանում: Փաստորեն ասվում է՝ այն մարդիկ, որոնք ազատագրել են հողերը, հիմա ուզում են այդ հողերը հանձնե՞լ, զուտ այն պատճառով, որ մեղքը բարդեն Նիկոլ Փաշինյանի վրա՞: Սա իսկապես հակատրամաբանական է: Վարչապետը, կարծես, փորձում է երաշխիքներ ստանալ, որ հնարավոր պատերազմի հնարավոր անհաջող ելքի դեպքում մեղքն իր վրա չբարդվի եւ ինքը կկարողանա մեղքը գցել դավադիրների վրա: Սա է, փաստորեն, քաղաքական հիմնական օրակարգը՝ իշխանության կողմից մենաշնորհ ստանալը բոլոր ճյուղերի եւ գործողների նկատմամբ»:
Կարդացեք նաև
Աշոտ ՀԱԿՈԲՅԱՆ
