«Ծեծի պատմությունը մեծ աղմուկ բարձրացրեց: Այս ամենը տեղավորվում է այն մտահոգության մեջ, որի մասին քանիցս խոսել ենք: Հանրության շրջանում անհանդուրժողականության մթնոլորտ է ձեւավորվում»,-ԱԺ-ում լրագրողների հետ ճեպազրույցում այսօր անդրադառնալով երեկ ՀՅԴ-ական լրագրող Գեղամ Մանուկյանի եւ ակտիվիստի մասնակցությամբ միջադեպերին, ասաց ԲՀԿ խմբակցության պատգամավոր Իվետա Տոնոյանը:
«Մյուս կողմից, բռնության դրսեւորումը չի կարող արդարացնել երեւույթը: Հուսանք՝ նախ կբացառվեն նման դրսեւորումները, եւ հետո՝ միջադեպերը կհարթվեն առանց բռնության կիրառման»:
ԲՀԿ պատգամավոր Վահե Էնֆիաջյանն էլ շեշտեց, որ օրենքի առաջ բոլորն են հավասար, եւ հարցն այս տիրույթում պետք է դիտարկել. «Հատվածական գնահատականներն անընդունելի են: Բռնությունն անընդունելի է եւ բաժանարար գծեր է մտցնում հանրության մեջ: Եթե նման գործընթացներ կան, պետք է խոսել այդ մասին եւ դատապարտել»:
https://www.facebook.com/aravot.am/videos/350702612189858/
Կարդացեք նաև
Լուիզա ՍՈՒՔԻԱՍՅԱՆ
