Իրանի դեմ ամերիկյան պատժամիջոցների հետեւանքով ստեղծված իրավիճակն ազդելու է հարեւան ՀՀ-ի տնտեսության վրա, սակայն ՀՀ Կենտրոնական բանկը պատրաստվել է դրան: Այս մասին այսօր ԱԺ-ում պատգամավորների հետ հարցուպատասխանի ժամանակ հայտարարեց ՀՀ Կենտրոնական բանկի նախագահ Արթուր Ջավադյանը: Նա նշեց. «Իրանի հետ խնդիրներ կան որոշ ծառայությունների եւ ապրանքների դիմաց վճարումների առնչությամբ, այդ պատճառով որոշ միջոցառումներ ենք նախաձեռնում, գտնում ենք միջնորդ բանկեր:
Ավաղ, մեր բանկային համակարգն անջատ է այդ գործընթացից, որովհետեւ չունի իրավասություն, բայց մենք բանակցում ենք Վաշինգթոնի հետ: Այլընտրանքային լուծումներ ենք փորձում գտնել»:
Լուիզա ՍՈՒՔԻԱՍՅԱՆ
