Արագածավան համայնքի բնակիչների հետ քննարկումները շարունակվում են Ջրային կոմիտեում. բնակիչների հետ ընդհանուր հայտարարի են եկել այն հարցի շուրջ, որ պետք է մշտադիտարկում իրականացնել՝ հասկանալու համար նրանց բարձրաձայնած՝ գերնորմատիվային հողերի չափանիշների փոփոխության անհրաժեշտության հարցը: Այս մասին այսօր ԱԺ ամբիոնից հայտարարեց Տարածքային կառավարման եւ զարգացման նախարար Սուրեն Պապիկյանը:
Հիշեցնենք, որ օրերս արագածավանցիները ճանապարհ էին փակել՝ պահանջելով նվազեցնել ոռոգման ջրի սակագինը: «Այս փուլում խնդիրը ժամանակավոր լուծված է: Քաղաքացիները գոնե հիմա դժգոհելու առիթ չպետք է ունենան»,-համոզմունք հայտնեց Սուրեն Պապիկյանը:
Լուիզա ՍՈՒՔԻԱՍՅԱՆ
