Այսօր Շիրակի մարզի Սպանդարյան համայնքում լեգենդար ֆուտբոլիստ Համլետ Մխիթարյանի անվան մարզադաշտի բացման արարողության ժամանակ նրա այրին՝ Մարինա Թաշչյանը, Aravot.am-ին ասաց. «Շնորհակալություն եմ հայտնում բոլոր այն կազմակերպություններին եւ անհատներին, որոնք վառ են պահել իմ ամուսնու՝ Համլետի, հիշատակը եւ բացել են իր անվան այս մարզադաշտը: Իհարկե, շատ հուզված եմ: Ողջունում եմ այս միտքը, որովհետեւ Սպանդարյան համայնքի եւ հարակից գյուղերի թե երեխաները, թե երիտասարդները եւ ինչու չէ՝ նաեւ մեծահասակները իրենց պարապուրդը ֆուտբոլով լցնելու հնարավորություն են ստանում: Նրանք կդառնան ավելի սպորտային: Հույս ունեմ, ավելի ճիշտ՝ վստահ եմ, որ Շիրակի մարզում, այս համայնքում կծնվեն նոր հայր ու որդի Մխիթարյաններ: Ես շատ եմ ուզում, որ մեր մատաղ սերունդը սպորտով զբաղվի եւ հեռու մնա վատ շրջապատ ընկնելու վտանգներից»:
Աշոտ ՀԱԿՈԲՅԱՆ
