Ըստ ՄԱԿ-ի սովորական սպառազինությունների ռեգիստրում 2018թ. արտահանած սպառազինության մասին Ռուսաստանի ներկայացրած զեկույցի՝ 2018-ին Ադրբեջանին է մատակարարվել 40 միավոր «մարտական զրահամեքենա»:
Aravot.am-ը «Ռազմինֆո» մասնագիտացված կայքի վերլուծաբան Հայկ Խաչիկյանից հետաքրքրվեց՝ ի՞նչ տեխնիկա է Ռուսաստանը մատակարարել Ադրբեջանին, սրանք ի՞նչ վտանգավորութան աստիճան ունեն: Վերլուծաբանը պատասխանեց. «Այս մատակարարումը սպասվում էր. նախկինում կնքված պայմանագրերի համաձայն, որոնք շատ ավելի վաղուց էին կնքվել, մատակարարումները եղել են նաև 2017-2018-ին: Կոնկրետ տեխնիկայի անուն չի նշվում, բայց միանշանակ պարզ է, թե ինչ տեխնիկայի մասին է խոսքը: Խոսքը 40 միավոր ԲՏՌ-82Ա զրահափոխադրիչների մասին է: Զրահափոխադրիչներն ունեն գնդացիր խոշոր տրամաչափի, բայց դրանք առանձնապես լուրջ դեր չեն խաղում: Նպաստում են Ադրբեջանի զորքի մոբիլությանը, տեղից տեղ տեղափոխվելու ունակությունների զարգացմանը: Ռազմական առումով առավելություն չեն տալիս: Դա Ադրբեջանի ամենալուրջ ձեռքբերումը չէ»:
Հայաստանն այս զրահատեխնիկայից չունի: Վերլուծաբանն ասաց՝ ոչ թե նրա համար, որ ՌԴ-ն չի տրամադրել, այլ Հայաստանը չի ցանկացել:
Հետաքրքրվեցինք՝ գործարքն ի՞նչ ֆինանսական ծավալի է, Հայկ Խաչիկյանը պատասխանեց. «Ըստ ՌԴ զենքի համաշխարհային առևտրի ուսումնասիրությունների կենտրոնի՝ պայմանագիրը կնքվել է 2011-ին, մատակարարումները եղել են 2017-2018-ին և մատակարարվել է 85 մարտական մեքենա, ընդհանուր պայմանագրի գումարը 120 միլիոն դոլար է»:
Կարդացեք նաև
Տաթև ՀԱՐՈՒԹՅՈՒՆՅԱՆ
