Օրերս Ադրբեջանի զինված ուժերի մայորի՝ իբրեւ թե հայկական կողմի կրակոցից սպանվելուց հետո Ադրբեջանի իշխող «Նոր Ադրբեջան» կուսակցության գործադիր քարտուղարության բաժնի պետերից մեկը՝ քաղաքագետ, պատգամավոր Այդին Միրզազադեն հայտարարեց. «Մեր դիպուկահարներին խնդրում եմ՝ ՀՀ վարչապետ եւ գերագույն գլխավոր հրամանատար Նիկոլ Փաշինյանին՝ առաջնագիծ այցի ժամանակ, ինչպես նաեւ՝ պաշտպանության նախարար Դավիթ Տոնոյանին, գնդակահարել»: Այս մասին այսօր «Պոստ սկրիպտում» մամուլի ակումբում լրագրողների հետ հանդիպմանը հայտարարեց «Օրբելի» կենտրոնի փորձագետ Տարոն Հովհաննիսյանը:
Նրա գնահատմամբ՝ սահմանին գրանցված միջադեպի սադրանքն, այսպիսով, վերաճեց ակնհայտ ագրեսիվ հայտարարության՝ Ադրբեջանի խորհրդարանի իշխող կուսակցության պատգամավորի կողմից. «Երբ պատգամավորն է կոչ է անում սպանել վարչապետին եւ նախարարին, որեւէ տրամաբանություն չկա այստեղ: Հետո նա հանդես եկավ հերքող հայտարարությամբ, բոլոր կայքերից հեռացվեցին այդ մասին նյութերը, բայց հետո տարածվեց տեսանյութը, որը փաստում էր պատգամավորի հայտարարությունը»:
Տարոն Հովհաննիսյանի խոսքով՝ նման հայտարարությունները եւ սահմանին հակառակորդի ձեռնարկած սադրանքները վկայում են այն մասին, որ Ադրբեջանը որեւէ կերպ չի փոխել դիրքորոշումը եւ շարունակում է սադրիչ, ագրեսիվ գործողությունները. «ԵԱՀԿ Մինսկի խմբի համանախագահների վերջին այցի արդյունքում պատգամավորի ասածի մասին հասցեական հայտարարություն չեղավ, մինչդեռ կար դրա կարիքը»:
https://www.facebook.com/aravot.am/videos/382853059104985/
Կարդացեք նաև
Լուիզա ՍՈՒՔԻԱՍՅԱՆ
