Դուք չար երեխա եղած կլինեք, չէ՞՝ այսօր հարցրեցինք «Իմ քայլը» խմբակցության պատգամավոր, ԵԿՄ նախագահ սասուն Միքայելյանին: Նա պատասխանեց. «Ինչի՞ պիտի չար չլինեի որ»:
Հարցին՝ մի լավ հիշողություն կարո՞ղ եք հիշել ձեր մանկությունից՝ նա պատասխանեց. «Ես մի քանի հոգու գլուխ եմ ջարդել…Մեր թաղում, որ երեխեքով կռիվ-մռիվ էինք անում, հորքուրս մեզնից մի քիչ հեռու էր ապրում, գնում էինք էնտեղ…Շրջապատում էին ինձ, ուզում էին ծեծեին, բայց ռիսկ չէին անում, էլի: Հետո ինձ բերում էին տուն մի քանի հոգի»: Մեր զարմանքին, որ լավ էլ «ռազբորկեքի» մեջ եք եղել՝ Սասուն Միքայելյանը պատասխանեց. «Ես չէ, տնեցիք: Էն ժամանակ ես երեխա էի, լուսահոգի ախպերս էր միշտ իմ համար կռվում»:
Թե ի՞նչ խաղեր է խաղացել փոքր ժամանակ՝ Սասուն Միքայելյանը պատասխանեց. «Խաղեր միշտ էլ խաղում էինք, էլի, կինո էինք նայում, գալիս էինք, բաժանվում էինք, կռվում, ըտենց էլ գնաց կյանքը»:
Հարցրեցինք՝ փոքր ժամանակ ի՞նչ եք երազել դառնալ՝ նա պատասխանեց. «Հիմա որ ասեմ, կարող է չափազանցություն թվա, բայց միշտ հետաքրքրություն եմ ունեցել պատերազմի՝ երեխա ժամանակվանից, ու էդպես էլ գնաց, էլի: Կռվի հակում ունեի՝ մեր հերոսների հետ կապված, միշտ մտածել եմ նման լինեմ»:
Կարդացեք նաև
Հարցին՝ կռվարա՞ր եք եղել, պարոն Միքայելյան՝ նա մի բան էլ նեղացավ, թե՝ «հլը նայի, ո՞նց կլինեի ես: Էդքան էլ ահավոր չէի, բայց խելոք էլ չեմ եղել, էլի»:
Հարցին՝ «ցոգոլի» գողություն արե՞լ եք՝ նա պատասխանեց. «Չէ, ըտենց բաներ չեմ արել, շատ եմ արել, սեմչկա, բան, բայց ըտենց բաներից հեռու եմ եղել»:
Հռիփսիմե ՋԵԲԵՋՅԱՆ
