ԱԺ-ն այսօր քննարկում է ՀՀ Քրեական օրենսգրքում եւ ՀՀ Քրեական դատավարության օրենսգրքում լրացումներ եւ փոփոխություններ կատարելու մասին օրինագիծը, որի անհրաժեշտությունը բխում է ՀՀ-ի միջազգային կոնվենցիոն պարտավորություններից:
Ինչպես տեղեկացրեց Արդարադատության նախարարի տեղակալ Աննա Վարդապետյանը (լուսանկարում), այս օրինագծով՝ ահաբեկչությունը հրապարակային արդարացնելը կամ քարոզելը, ահաբեկչության հրապարակային կոչ անելը (հանցակազմի իրական վտանգի դեպքում) պատժվում է տուգանքով՝ նվազագույն աշխատավարձի 500-1000-ապատիկի չափով, 2-3-ամսյա կալանքով կամ առավելագույնը 3 տարվա ազատազրկմամբ:
«Գործառույթը վերապահված է ԱԱԾ քննչական վարչությանը»,-նշեց փոխնախարարը:
ԲՀԿ պատգամավոր Միքայել Մելքումյանը հարցրեց. «Եղե՞լ է, որ նման կոչերի համար դատվեն»: Աննա Վարդապետյանն ասաց, որ արձանագրված վիճակագրություն չկա:
Կարդացեք նաև
Հավելենք, որ օրինագիծը դեռ պետք է քվեարկվի առաջին ընթերցմամբ:
Լուիզա ՍՈՒՔԻԱՍՅԱՆ
