ԱԺ պատգամավորներն այսօր քվեարկեցին վարչապետ Նիկոլ Փաշինյանի՝ Տնտեսական մրցակցության պաշտպանության պետական հանձնաժողովի անդամների պաշտոններում առաջադրված անձանց թեկնածության օգտին: ԱԺ հաշվիչ հանձնախմբի նախագահ Վահագն Հովակիմյանի (լուսանկարում) փոխանցմամբ՝ ձայները բաշխվել են հետեւյալ կերպ.
Հայկ Կարապետյան-«կողմ»՝ 93, «դեմ»՝ 9
Վահե Չիբուխչյան-«կողմ»՝ 87, «դեմ»՝ 16
Արեն Դանիելյան-«կողմ»՝ 92, «դեմ»՝ 8
Կարդացեք նաև
Տիգրան Մարկոսյան-«կողմ»՝ 94, «դեմ»՝ 7:
Նշյալ չորս անձինք, այսպիսով, հանձնաժողովի նորընտիր անդամներ են:
ՏՄՊՊՀ անդամ չընտրվեց միայն Դավիթ Հովհաննիսյանը: Նրա թեկնածությանը «կողմ» էր քվեարկել 39, իսկ «դեմ»՝ 62 պատգամավոր: Հիշեցնենք՝ պատգամավորների հետ հարցուպատասխանի ժամանակ նա համոզմունք էր հայտնել, որ նախորդ տարիներին ՏՄՊՊՀ-ն անաչառ է գործել՝ առանց քաղաքական ճնշումների:
Լուիզա ՍՈՒՔԻԱՍՅԱՆ
