ԱԺ-ն այսօր քննարկում է «Լուսավոր Հայաստան» խմբակցության հեղինակած՝ «Վարչական իրավախախտումների մասին օրենքում» լրացումներ կատարելու մասին օրինագիծը:
Նախագծի զեկուցող, ԼՀԿ պատգամավոր Մանե Թանդիլյանը հայտարարեց. «Օրինագիծը սահմանում է վարչական տուգանք, եթե առանց կենտրոնական բանկի արտոնագրի՝ անձինք կամ կազմակերպություններն իրականացնում են վարկի տրամադրման գովազդ: Շատ անհատներ եւ ընկերություններ են այսպես կոչված վարկային ծառայություններ առաջարկում՝ իրականում չհանդիսանալով նման ծառայություններ մատուցողներ: Նրանք միջնորդավճարներ են գանձում մարդկանցից՝ ուղղորդելով նրանց վարկային կազմակերպություններ եւ փաստացի չիրականացնելով ֆինանսների տրամադրման գործառույթ»:
ԲՀԿ պատգամավոր Միքայել Մելքումյանը հայտարարեց, որ խմբակցությունը «կողմ» է քվեարկելու, որովհետեւ ողջունելի օրինագիծ է: Հիշեցնենք, որ խորհրդարանը դեռ առաջին ընթերցմամբ պետք է քվեարկի այս օրինագիծը:
Լուիզա ՍՈՒՔԻԱՍՅԱՆ
Կարդացեք նաև
