Նորություն չէ, որ այն, ինչ ընդդիմադիր Նիկոլ Փաշինյանը մերժում էր, այսօր դրանից չի հրաժարվում, ու ճիշտ կլինի, որ իր թիմակիցներն այս փաստից չնյարդայնանան, հասարակության հիշողությունն այդքան էլ կարճ չէ։ Այս շաբաթ ընդդիմադիր խմբակցություններից մեկի՝ ԼՀԿ-ի «Գնումների մասին» օրենքում փոփոխություններ կատարելու նախագիծը, որը ենթադրում է բարձրաստիճան պաշտոնատար անձանց կողմից կատարվող գնումները դարձնել հրապարակային, չընդգրկվեց լիագումար նիստերի օրակարգ։
Մեծամասնության պատճառաբանություններն առնվազն անհասկանալի էին, թեև ընդամենը մեկ տարի առաջ այս ամենի վերաբերյալ քննադատության տարափ էր տեղում Փաշինյանը։ ԼՀԿ խմբակցության անդամ ԱՆԻ ՍԱՄՍՈՆՅԱՆԸ նախագծի մերժումը հիմնավորեց այն հանգամանքով, որ այսօրվա իշխանություններն էլ չեն ցանկանում իրենց արարողակարգային ծախսերը թափանցիկ դարձնել։ «Որևէ սպառնալիք, ռազմական գաղտնիքի բացահայտում այստեղ չկա, դրանք արարողակարգային ծախսերն են, որոնք 2017-ի ՀՀԿ-ն փոխեց, որովհետև հանրությունը սկսել էր հետևել, թե ինչ ծախսեր են կատարում բարձրաստիճան պաշտոնյաները»,- ընդգծեց պատգամավորը, հավելելով, որ իրենք ընդամենն առաջարկում են օրենքի նախկին ձևի վերականգնում։
Ըստ զրուցակցի՝ նոր իշխանությունները հարմարվում են Սերժ Սարգսյանի կոստյումին։ «Ինչպես նախկինների պարագայում, իրենք էլ չեն ուզում այդ ծախսերը հրապարակայնացնել, քանի որ հասարակության շրջանում հարցեր կառաջանան, թե ինչու են արվում ծախսեր, որոնք ընդունելի չեն»,- շեշտեց Սամսոնյանը։
Դիտարկմանը, թե իրենք արդեն տեսնու՞մ են անհարկի ծախսեր, որոնք հիմք դարձան օրենքի փոփոխության, ԼՀԿ խմբակցության անդամն ասաց, որ առայժմ նման կասկածներ չունեն, բայց եթե ոմանք դեմ են այդ փոփոխություններին, գուցե թաքցնելու բա՞ն ունեն։
Կարդացեք նաև
Ռուզան ԽԱՉԱՏՐՅԱՆ
Հոդվածն ամբողջությամբ՝ «Իրատես» թերթի այսօրվա համարում
