Տնտեսական մրցակցության պաշտպանության պետական հանձնաժողովն այժմ միայն պատիժ ու տուգանք կիրառող մարմին է, որը սպասում է, մինչեւ խախտում լինի, որպեսզի տուգանի տնտեսվարողին»,-ԱԺ ամբիոնից այսօր այսպիսի համոզմունք հայտնեց ՀՀ վարչապետ Նիկոլ Փաշինյանի կողմից ՏՄՊՊՀ անդամի թեկնածու առաջադրված Վահե Չիբուխչյանը:
Նրա գնահատմամբ՝ հանձնաժողովին ավելի շատ կանխարգելիչ գործառույթ պետք է վերապահել, ոչ թե սպասել տնտեսվարողի խախտմանը: «Գնումների դաշտում էլ խնդիր ունենք: Հակամրցակցային տարր կա: Գնումների ոլորտում, սակայն, ՏՄՊՊՀ-ի դերը միանձնա չէ, Ֆինանսների նախարարությունը եւս դեր ունի՝ մրցակցության ապահովման տեսանկյունից»,-համոզմունք հայտնեց թեկնածուն:
Հիշեցնենք, որ պատգամավորները դեռ պետք է քվեարկեն Վահե Չիբուխչյանի թեկնածության օգտին:
Կարդացեք նաև
Ինչ վերաբերում է տնտեսական մրցակցության ոլորտում հակամենաշնորհային պայքարին, Վահե Չիբուխչյանը նշեց, որ գործիքակազմը պետք է վերանայվի. «Հիմնական խախտումները լինում են ստվերային գործունեության հետեւանքով»:
Լուիզա ՍՈՒՔԻԱՍՅԱՆ
Լուսանկարը՝ Վահե Չիբուխչյանի ֆեյսբուքյան էջից
