ՀՀ հանրային ծառայությունները կարգավորող հանձնաժողովում գազի սակագնի թանկացման վերաբերյալ տնտեսվարողի կողմից այս պահին հայտ չկա: Այս մասին այսօր ԱԺ ամբիոնից հայտարարեց Հանրային ծառայությունները կարգավորող հանձնաժողովի անդամի թեկնածու, իրավաբան Սեդա Շահինյանը, որը ներկայում հանձնաժողովի իրավաբանական եւ լիցենզավորման վարչության պետն է:
«Քննարկումներն ու համատեղ աշխատանքն այդ առնչությամբ ընթանում են «Գազպրոմ Արմենիա»-ի հետ»,-տեղեկացրեց Սեդա Շահինյանը: Ջրի սակագնի հնարավոր բարձրացման վերաբերյալ էլ նա նշեց, որ ամեն տարի «Վեոլիա ջրի» առաջադրած սակագինն օբյեկտիվորեն ենթակա է ճշգրտման. «Դա վարձակալության պայմանագրի պահանջ է: Վերանայման ժամկետն օգոստոսի մեկն է»:
Ինչ վերաբերում է էլեկտրաէներգիայի սակագնին, պաշտոնյան տեղեկացրեց. «Ժամկետն արդեն իսկ անցել է՝ փետրվարի մեկը: Այս տարի էլեկտրաէներգիայի սակագնի վերանայում այդ ժամանակ, ինչպես հայտնի է, չեղավ»:
Հավելենք, որ պատգամավորները դեռ պետք է քվեարկեն ՀԾԿՀ անդամի պաշտոնում Սեդա Շահինյանի թեկնածության օգտին:
Կարդացեք նաև
Լուիզա ՍՈՒՔԻԱՍՅԱՆ
