Ծանրամարտի միջազգային ֆեդերացիայի նախագահ Թամաշ Այանն ազգային ֆեդերացիաներին նախազգուշացրել է, որ ծանրամարտը 2024 թվականի Փարիզի ամառային օլիմպիական խաղերի ծրագրում թողնելու ՄՕԿ-ի որոշումը դեռ չի նշանակում, թե մարզաձեւի օլիմպիական ճակատագրի հետ կապված խնդիրները վերացված են: Նա կոչ է արել զգոն լինել եւ շարունակել արգելված նյութեր օգտագործելու դեմ համակարգված պայքարը, այլապես ծանրամարտը կարող է դուրս մնալ օլիմպիական խաղերի ծրագրից:
2017 թվականին անդրադառնալով ծանրամարտում տիրող դոպինգային սկանդալներին՝ ՄՕԿ-ի նախագահ Թոմաս Բախը հայտարարել էր, որ այդպես շարունակվելու դեպքում չի բացառվի, որ մարզաձեւը տեղ չգտնի 2024 թվականի ամառային օլիմպիական խաղերում:
Աշոտ ՀԱԿՈԲՅԱՆ
