Երեւանի ընդհանուր իրավասության դատարանի Աջափնյակի նստավայրում դատավորների ժողովն է ընթանում: Այն դռնփակ է, հետեւաբար լրագրողներին թույլ չեն տալիս լուսաբանել ժողովի ընթացքը: Մինչ ժողովը կսկսեր, մենք արձանագրեցինք թե ինչ թանկարժեք մեքենաներով են դատավորները գալիս ժողովի:
Աջափնյակի դատարանի ավտոկայանատեղիում տեղ չկա:
Կարդացեք նաև
Սակայն որ դատավորին հարցնում ենք՝ պատրաս՞տ եք վեթթինգի, վստահեցնում են, որ այո, թաքցնելու բան չունեն:
Վերաքննիչ քրեական դատարանի նախագահ Վազգեն Ռշտունին լրագրողների հետ զրույցում խոսեց իր ունեցվածքի մասին, Քոչարյանի գործի մասին, կալանքը փոխելու որոշման հետ կապվում էր նրա անունը: Նա ասաց. «Ես գործը քննող դատավորին չեմ ճանաչում, մտերիմ հարաբերություններ չունեմ նրա հետ, թե՛ միջնորդավորված, թե՛ ուղղակի, թե՛ անուղղակի չեմ ճանաչում, ճանաչում եմ, որպես դատավոր»: Հարցին՝ այդ դեպքում ինչպես կբացատրեք, որ մշտապես ձեր անունը կապվում է նախկին իշխանությունների հետ՝ Ռշտունին պատասխանեց. «Միգուցե մարդիկ կան թե՛ համակարգում, թե՛ համակարգից դուրս, որոնց ես խանգարում եմ: Նախկին իշխանությունների հետ բոլորը կարող են կապվել, ովքեր նշանակվել են մեկ տարի առաջ: Եթե ինձ կապում են, որովհետեւ ես էլ եմ էդ ժամանակ նշանակվել՝ կարող են կապել: Ինչ վերաբերում է նրան, թե ես էդ գործով շահագրգռվածություն ունեմ, այդ դեպքում մեր ուժային կառույցները եթե ունեն որոշակի ինֆորմացիա իմ՝ գործերի վրա ազդելու վերաբերյալ, թող հրապարակեն»:
Պատրաստվո՞ւմ է այս դատավորը հրաժարական տալ՝ Վազգեն Ռշտունին պատասխանեց, որ ինքը փորձել է լինել արդար, թե ինչքանով է արդարացված դա եղել, առաջին գնահատականը պետք է տա մամուլը՝ իրավաբանական համայնքի գնահատականի վրա հիմնված. «Եթե ես հասկանամ, որ իրավաբանական հանրությունը ինձ չի վստահում, մասնագիտական հանրությունը ինձ չի վստահում, եթե հասկանամ, որ բացասական է կարծիքը, չէի աշխատի»:
Մանրամասները՝ ավելի ուշ
Հռիփսիմե ՋԵԲԵՋՅԱՆ
