Կոչ ՀՀ իշխանություններին
Հեղափոխության առաջին իսկ օրերից մենք տոգորված էինք այն հույսով, որ ի վերջո գալիս է նորը, արդարը, որը մերժում է ոչ միայն հին անձերին, այլ նաև հին բարքերն ու համակարգը։ Նորը գալու է ազնիվ նկրտումներով և զարկ է տալու պետականաշինությանը նոր, ավելի վեհ սկզբունքներով։ Սա այնքան համոզիչ էր ու հստակ, որ ազգը ոտքի կանգնեց ու միահամուռ մերժեց հինը։ Հինը, որը խեղդել էր պետությունը անօրինականության մեջ։ Սակայն այն, ինչին բախվեցինք վերջին օրերին գրեթե կոտրեց այդ պատկերացումները։ ՊԲ –ն ցուցակագրել է բոլոր սպաներին, նրանց պարտադրել ստորագրել մի հրամանի տակ, որը ի դեպ կոծկել են ԱՀ սահմանադրության 14-րդ հոդվածի 2 կետի պահանջներով՝ ԶՈւ քաղաքական հարցերում պահպանում է չեզոքություն։ Ըստ այս հրամանի նրանք իրավունք չունեն Արցախում մասնակցել որևէ քաղաքական պրոցեսների, սակայն սրա հետ միասին նրանց զրկել են մասնակցել հանդիպումների, ստորագրահավաքների, ի դեպ այն հանդիպումների, որոնք քաղաքական բնույթ չեն կրում ու այն ստորագրահավաքների, որոնք ակնկալում են սահմանադրության փոփոխություններ։ Զինվորական սպան բացի արտաքին թշնամու դեմ պայքարելուց, հանդիսանում է նաև այս երկրի անվտանգության երաշխավորը, ու եթե այս սպային, որը հանդիսանում է մեր երկրի քաղաքացին ու նրա օրենքների լիիրավ կրողն է, դուք զրկում եք իր երկրի ներքին կյանքում սահմանադրությունով հաստատված քաղաքացու իր իրավունքները կիրառելուց, դուք արժեզրկում եք այն ուսադիրները, որոնք նա կրում է այդ նույն երկրի անվտանգ կյանքը ապահովելու համար, դուք զրկում եք սպային, զինվորականին իր պաշտպանած ու պահպանած երկրում քաղաքացիական դիրքորոշում ունենալուց, դա օրենքի կոպտագույն խախտում է, դա քաղաքացու իրավունքների ոտնահարում է։
Կոչ ենք անում ՀՀ նոր իշխանություններին, որոնք ունեն ՀՀ քաղաքացիների մեծամասնության քվեն ու վստահությունը, չդիմեն նման անպատվաբեր քայլերի։ Շատ ավելի գովելի կլիներ այն, որ ՀՀ իշխանությունները ուղղակի ազնվորեն հայտարարեն, թե ում են սատարում Արցախում և հօգուտ ում են արվում այս անօրինական զոհողությունները։ Մենք ողջ թիմով հակված ենք գործել օրենքի դաշտում և մեր բոլոր քայլերը սրբագրվելու են օրենքով։ Իսկ դա նշանակում է, որ այս գործընթացը , որին մենք ականատես եղանք չի խանգարելու, և չի խոչընդոտելու մեր հետագա քայլերին։
Կոչը ուղղում ենք ՀՀ իշխանություններին, որովհետև առանց ՀՀ ՊՆ գիտության ԱՀ ՊԲ-ն որևէ իրավասություն չունի հրամաններ կիրառելու։
Կարդացեք նաև
Իսկ եթե որևէ մեկը կհայտարարի, որ սա չի համապատասխանու մ իրականությանը, մենք երևան կհանենք բավականին ծանրակշիռ փաստեր։
Սամվել Բաբայանի գրասենյակ
Համաձայն եմ պարոն Բաբայանի հետ՝ ՀՀ իշխանությունները պետք է հստակ ասեն, թե որ թեկնածուին են սատարելու Արցախում, հակառակ դեպքում ստացվում են ինտրիգաներ՝ ժողովրդի թիկունքում։
Սամվել Բաբայանի կոչը…
-Կոչը ուղղում ենք ՀՀ իշխանություններին, որովհետև առանց ՀՀ ՊՆ գիտության, ԱՀ ՊԲ-ն որևէ իրավասություն չունի հրամաններ կիրառելու։
Վերջապես հասկացանք որ Արցախում կա գոնե մեկը,որը ճիշտ ուղղու վրա է դնում ՀՀ կազմի մեջ գտնվող ԱԻՀ-ը Արցախի Ինքնավար Հանրապետությունը:
Ես, որպես Արցախի ինքնապաշտպանական բանակի հրամանատար՝ գեներալ-լետնանտ Սամվել Բաբայանի 1993-1994 թթ..դաշտային հրամանատար, գեներալ Աղասի, կոչ եմ անում մեր նախկին մոտո-հրաձգային գնդի պայմանագրային ազատամարտիկներին թվով 3000, միանալ ու պաշտպանել բանակի հրամանատար Սամվել Բաբայանին եվ իր գրասենյակին:Դրանով մենք կօգնենք չխանգարելու և չխոչընդոտելու նրանց հետագա քայլերին, որը տանում է Արցախի միացումը դեպի մայր Հայաստան:
Կեցե այն Արցախն որ վաղն է գալու:
Աղասի