«Այսօր եվրոպացիներն ընտրում են հաջորդ խորհրդարանը՝ Եվրախորհրդարանը, սա շատ կարեւոր օր է»,-այսօր այս մասին լրագրողներին ասաց ԵՄ դեսպան Պյոտր Սվիտալսկին՝ Հյուսիսային պողոտայում Եվրոպայի օրվան նվիրված միջոցառումների ամփոփման ժամանակ:
«Հուսով ենք ընտրությունը Եվրոպան կպահպանի: Ուժեղ Եվրոպան չափազանց կարեւոր է: Եվրոպան կենսական նշանակություն ունի ամբողջ աշխարհի համար, հարեւանության համար: Ուժեղ Եվրոպան նշանակում է ավելի ուժեղ Հայաստան, ուժեղ Եվրոպան Հայաստանը դարձնում է ավելի ուժեղ»,-ասաց դեսպանը:
Այսօր Հյուսիսային պողոտայում Եվրոպական միության պատվիրակության նախաձեռնությամբ Եվրոպայի օրվան նվիրված միջոցառումներին մասնակցում էին տեղական կազմակերպությունները, որոնք ԵՄ-ից աջակցություն են ստացել: Դեսպանն այսօր շրջեց պողոտայով՝ մոտենալով տաղավարներին, կատակելով գործընկեր կազմակերպությունների ներկայացուցիչների հետ:
Կարդացեք նաև
Մանրամասն՝ տեսանյութում՝ քիչ անց
Նելլի ԲԱԲԱՅԱՆ
