«Շնորհավորում եմ բոլորիս՝ Գագիկ Հարությունյանի հրաժարականի առթիվ: Դա գործնական եւ հստակ քայլ է այն խնդրի մասին, որից հիմա խոսում ենք: Իսկապես շնորհավորելու խնդիր է սա: Տարոսը՝ Սահմանադրական դատարանին»,-ԱԺ ամբիոնից այսօր անցումային արդարադատությանը նվիրված լսումների ժամանակ հայտարարեց ՀԱԿ փոխնախագահ Արամ Մանուկյանը:
Նրա խոսքով. «Խնդիրը քաղաքական է, հետո նոր՝ իրավաբանական: Քաղաքական է, քանի որ միտված է իշխանափոխությունը վերջնական փուլի հասցնելուն: Եկեք չխաբենք իրար: Իշխանափոխությունը դեռեւս ավարտուն չէ»:
Անդրադառնալով Մարտի 1-ի գործով մեղադրյալ, ՀՀ երկրորդ նախագահ Ռոբերտ Քոչարյանի՝ կալանքից ազատմանը, Արամ Մանուկյանը համոզմունք հայտնեց, որ դա դատական համակարգի սաբոտաժն էր. «Լկտի սաբոտաժ: Քաղաքական կամքը շատ քիչ է՝ գործընթացն ավարտին հասցնելու համար»:
Ապա` Արամ Մանուկյանը դիմեց Հատուկ քննչական ծառայության պետ Սասուն Խաչատրյանին՝ հիշեցնելով, որ ՀԱԿ-ը վաղուց հրապարակել է ցուցակը 60-ից ավելի դատավորների, քննիչների եւ դատախազների, որոնք, Արամ Մանուկյանի բնորոշմամբ, պետք է քրեական հետապնդման ենթարկվեն՝ մարտի մեկի իրադարձությունների բացահայտման շրջանակում:
Կարդացեք նաև
Լուիզա ՍՈՒՔԻԱՍՅԱՆ
