«ԵՄ-ն ընդդեմ ապատեղեկատվության» արշավը տարածել է տեսանյութ, որը ներառում է խորհուրդներ, թե ինչպես քաղաքացիները կարող են բացահայտել և պաշտպանվել ապատեղեկատվությունից:
Տեսանյութը սկսվում է խոսքերով, թե ապատեղեկատվությունը կարող է իրական տեղեկատվության տեսք ունենալ, բայց իրականում այն այդպիսին չէ: Այնուհետև թվարկվում են նախազգուշացնող նշաններ, որոնք կարող են հուշել ապատեղեկատվության առկայության մասին:
Թիվ մեկ խորհուրդն այն է, որ անհրաժեշտ է ստուգել տեղեկատվության աղբյուրը: Ապատեղեկատվությունից հնարավոր է խուսափել՝ համոզվելով, որ տվյալ պատմությունը տարածել են նաև այլ աղբյուրներ:
Մշտապես օգտակար է նաև ստուգելը, թե արդյոք տվյալ կասկածելի լրատվամիջոցը առկա է ԵՄ-ի՝ ապատեղեկատվություն դեմ պայքարի համար նախատեսված տվյալների բազայում ու մեկ անգամ ևս մտածել՝ նախքան սոցիալական ցանցերում համանման բովանդակության տարածելը:
«ԵՄ-ն ընդդեմ ապատեղեկատվության» արշավն իրականացվում է Արտաքին գործողությունների եվրոպական ծառայության «East Stratcom» օպերատիվ աշխատանքային խմբի կողմից: Այս թիմը ձևավորվել է 2015 թվականի մարտից հետո, երբ ԵՄ պետությունների և կառավարությունների ղեկավարները կարևորեցին Ռուսաստանի կողմից իրականացվող ապատեղեկատվական արշավներին դիմագրավելու անհրաժեշտությունը:
Կարդացեք նաև
EU NEIGHBOURS east
