Անցումային արդարադատության թեմայով ԱԺ լսումների ժամանակ արդարադատության փոխնախարար Աննա Վարդապետյանն ասաց. «Յուրաքանչյուր պետություն ինքն է որոշում, թե ինչ գործիքներ ինքն ընտրի՝ ինստիտուցիոնալ բացը լրացնելու համար: Ո՞րն է նպատակը, ինչո՞ւ: Անցումային արդարադատությունը միջազգային բոլոր փաստաթղթերում նշվում է որպես հաշտեցման գործիք: Դրա նպատակն է հասարակությանը բերել հաշտեցման, եթե կա դիսոնանս, առճակատում: Այս առումով յուրաքանչյուր գործիք, որ մեկնաբանվում է անցումային արդարադատության, պետք է մեկնաբանվի այս լույսի ներքո»:
Աննա Վարդապետյանը, խոսելով անցումային արդարադատության գործիքակազմի մասին, ասաց. «Առաջին հերթին դրանք քրեական մեղադրանքներն են, երկրորդ հերթին՝ վեթթինգը՝ գնահատման գործընթացը: Ցավոք, իմ գործընկերներից շատերը վեթթինգը թարգմանում են զտում, բայց դա շփոթ է առաջացնում, վեթթինգը գնահատման գործընթաց է»:
Նա ասաց, որ շատ երկրներում վեթթինգի փոխարեն լյուստրացիան են կիրառում, որը շատ ավելի խիստ տերմին է: Արդար դատաքննության իրավունքը յուրաքանչյուրիս իրավունքն է՝ անկախ նրանից, թե ինչ գործընթացի միջով ենք անցնում եւ վեթթինգի գործընթացով ով է անցնում, որեւէ դեպքում որեւէ նվաստացուցիչ գործընթաց սա չի ենթադրում: Չի կարող լինել զտում, գնահատում է»:
Կարդացեք նաև
Հռիփսիմե ՋԵԲԵՋՅԱՆ
