«Պարզ է, չէ՞, որ դա հեքիաթասացության շարքից է»,-«Առավոտ»-ի հետ զրույցում անդրադառնալով մամուլում առկա որոշակի տեղեկություններին, թե ՀՀ երկրորդ նախագահ Ռոբերտ Քոչարյանը փորձում է իր ազդեցության ոլորտ վերադարձնել Գագիկ Ծառուկյանին, որովհետեւ իշխանությունը «հարձակումներ» է նախաձեռնում ԲՀԿ առաջնորդի դեմ, ասաց Ծառուկյանի մամուլի խոսնակ Իվետա Տոնոյանը:
«Գագիկ Ծառուկյանը երբեւէ որեւէ կերպ սահմանափակված չի եղել իր գործելաոճի վերաբերյալ հրապարակային գնահատականներ հնչեցնելուց, այդ թվում՝ կառավարության աշխատանքի առնչությամբ քննադատական ելույթներ ունենալով: Նա միշտ բաց է խոսել: Կարծում եմ՝ ցանկացած դեպքում կարելի է նրանից ստանալ հուզող հարցի պատասխանը, իսկ նմանօրինակ հրապարակումները բացառապես հեքիաթասացության ժանրից են, երեւի՝ անքուն գիշերվա հետեւանք»,-վստահեցրեց Իվետա Տոնոյանը:
Լուիզա ՍՈՒՔԻԱՍՅԱՆ
«Առավոտ» օրաթերթ
Կարդացեք նաև
24.05.2019
