«Այդ պահին ստեղծված իրավիճակում իմ գործառույթներն այնքանով չէին սահմանափակվում կամ ուղղորդված չէին, որ ես հետեւեի Լեւոն Երանոսյանի գործողություններին: Ես բավականին անելիք ունեի այդտեղ՝ կազմակերպչական, անվտանգության ապահովման եւ այլն: Ես այդ պահին չեմ հիշում Լեւոն Երանոսյանն ինչով էր զբաղված»,-այսօր այս մասին կառավարության նիստից հետո լրագրողների հետ ճեպազրույցում ասաց ոստիկանապետ Վալերիյ Օսիպյանը՝ պատասխանելով հարցին՝ 2018-ին ապրիլի 16 եւ 22-ին նրա գործողություններն արդյոք օրինաչափ էին, քանի որ նրա գործողությունները նրա համար էին, որ Փաշինյանին կարողանային բերման ենթարկել:
Նախկին փոխոստիկանապետ Լեւոն Երանոսյանի գործով դատական նիստից հետո լրագրողներին է փոխանցել գրություն որով պնդում է՝ իր գործողությունները եղել են իրավաչափ եւ ոստիկանության գործողությունների շնորհիվ է իշխանությունն անցնցում եւ խաղաղ փոխանցվել:
Վալերիյ Օսիպյանն ասաց, որ Երանոսյանի գրությանը ծանոթ չէ. «Դա միգուցե իր կարծիքն է: Ոստիկանությունը գործել է իր մասնագիտական գործառույթների սահմաններում, առաջնորդվել է օրենքով, արդյունքը տեսել եք՝ որեւէ բախում չի եղել»:
Իսկ այդ դեպքում ինչո՞ւ է Երանոսյանը քրեական հետապնդման ենթարկվում, եթե ոստիկանությունը իրավաչափ է գործել, այս հարցին Օսիպյանը պատասխանեց. «Տեղյակ չեմ»:
Կարդացեք նաև
Մանրամասները շուտով՝ տեսանյութում
Նելլի ԲԱԲԱՅԱՆ
