Ինչպես ավելի վաղ հայտնել էինք, ԱԺ խորհուրդն այսօր փակ նիստում որոշեց մերժել «Լուսավոր Հայաստան» խմբակցության՝ ԱԺ արտահերթ նիստ գումարելու առաջարկը:
Հիշեցնենք, որ ԼՀԿ-ն առաջարկում էր ԱԺ արտահերթ նիստ գումարել՝ քննարկելու վարչապետ Նիկոլ Փաշինյանի՝ դատարանները շրջափակելու կոչը եւ դատաիրավական համակարգի բարեփոխումների հարցը:
ԼՀԿ ղեկավար Էդմոն Մարուքյանը լրագրողների հետ ճեպազրույցում համոզմունք հայտնեց, որ «Իմ քայլը» չի ուզում այդ հարցերը քննարկի, հայտարարություն անի. «Երեւի մտածում են, որ եթե լռեն, ամեն ինչ կանցնի: Ժամանակին, երբ համաշխարհային տնտեսական ճգնաժամը սկսվեց, ՀՀ նախկին վարչապետ Տիգրան Սարգսյանը հայտնի դարձած բան ասաց՝ քիչ խոսեք ճգնաժամից, եւ այն չի լինի…հիմա երեւի «Իմ քայլի» պատգամավորները մտածում են, որ եթե քիչ խոսեն դատարանները շրջափակելու մասին, ապա այդ սահմանադրական խախտումը կանցնի-կգնա»:
Էդմոն Մարուքյանը համոզված է, որ այս կերպ խորհրդարանական մեծամասնությունը ցանկանում է հարցի քննարկումը «թաղել» եւ մոռացության մատնել:
Կարդացեք նաև
Այլ մանրամասները՝ տեսանյութում
https://www.facebook.com/aravot.am/videos/585360405205184/
Լուիզա ՍՈՒՔԻԱՍՅԱՆ
