Aravot.am-ն այսօր արդարադատության նախարար Արտակ Զեյնալյանից հետաքրքրվեց՝ ի՞նչ հետեւանքներ կունենա Հայաստանի հեղինակության վրա Եվրոպայի խորհրդի խորհրդարանական վեհաժողովի համազեկուցողների հայտարարությունը, որում ԵԽԽՎ-ն մտահոգություն է հայտնում վարչապետ Նիկոլ Փաշինյանի կոչի վերաբերյալ եւ կոչ անում զերծ մնալ քայլերից, որոնք կարող են ընկալվել որպես ճնշում դատական համակարգի վրա:
Արտակ Զեյնալյանը պատասխանեց՝ ես չեմ շտապում այդ հայտարարության վերաբերյալ մեկնաբանություն անել:
Արտակ Զեյնալյանից լրագրողները նաեւ հետաքրքրվեցին՝ տեղյա՞կ էր, որ «Հանրապետություն» կուսակցությունը նման բովանդակությամբ հայտարարություն է հրապարակել, որտեղ վարչապետ Նիկոլ Փաշինյանին ընդդիմադիր գործիչ են անվանում:
Կարդացեք նաև
Զեյնալյանն ասաց, որ գործնականորեն կուսակցական գործունեությամբ չի զբաղվում, քաղաքական նիստերին չի մասնակցում եւ կուսակցության որոշման ընդունմանը չի մասնակցել:
Մանրամասները՝ տեսանյութում
Լուսինե ԲՈՒԴԱՂՅԱՆ
