«Ոստիկանների կողմից Նիկոլ Փաշինյանին բերման ենթարկելու պահին պայթուցիկները նետվեցին հենց այն վայրում, որտեղ աշխատում էինք լրագրողներով: Առնվազն տասը տեսախցիկ կար այդ վայրում»,-լրագրողների հետ զրույցում այսօր հայտարարեց նախկին փոխոստիկանապետ Լեւոն Երանոսյանի գործով տուժող, լրագրող Լիանա Եղիազարյանը: Նա միջադեպի հետեւանքով երկու վնասվածք է ստացել:
Հիշեցնենք, որ այսօր Լեւոն Երանոսյանի գործով առաջին դատական նիստն էր: Նա մեղադրվում է պաշտոնեական լիազորություններն անցնելու համար։
Ըստ քրեական գործի նյութերի`Լևոն Երանոսյանը, չունենալով լուսաձայնային հատուկ միջոցներ ստանալու և անձամբ գործադրելու լիազորություն, 2018 թվականի ապրիլի 16-ին և 22-ին Երևանում՝ բողոքի զանգվածային ակցիաների ժամանակ, ցուցարարների նկատմամբ գործադրել է 8 հատ «Զարյա» տեսակի լուսաձայնային նռնակներ, ինչի հետևանքով երկու տասնյակից ավելի անձանց տուժել է։ Երանոսյանի կողմից հատուկ միջոցների գործադրման հետևանքով միայն Բաղրամյան պողոտայում ծառայող ոստիկանության զորքերի զինծառայողներից 6 հոգի ստացել են մարմնական վնասվածքներ։
Լիանա Եղիազարյանը պատմեց. «Չէինք սպասում, որ այդ պայթուցիկ նյութերը կնետվեն ուղիղ լրագրողների վրա»:
Կարդացեք նաև
Մանրամասն՝ տեսանյութում
https://www.facebook.com/aravot.am/videos/1691994431107499/
Լուիզա ՍՈՒՔԻԱՍՅԱՆ
