ՀՀ ոստիկանությունից Aravot.am-ին հայտնեցին, որ նախօրեին իրենց բակում ծեծի ենթարկվելու դեպքով ոստիկանություն ահազանգած ՀԱԿ անդամ Վարդան Հարությունյանը հրաժարվել է հանցագործության մասին հաղորդում տալուց: Ըստ ոստիկանության՝ նշանակվել է դատաբժշկական փորձաքննություն, նյութեր են նախապատրաստվում:
Հիշեցնենք, որ Վարդան Հարությունյանի համոզմամբ՝ իր վրա հարձակումը կապ ունի նախօրեին տեղի ունեցած ցույցի հետ, երբ երկրորդ նախագահ Ռոբերտ Քոչարյանի խափանման միջոցի փոփոխման որոշումից հետո քաղաքացիները բողոքի քայլերթ էին անում, և ճանապարհին հարձակում էր եղել ՀՅԴ անդամ Հրանտ Մարգարյանի վրա: Դատելով տեսանյութին՝ միջադեպի մասնակիցներից մեկը Վարդան Հարությունյանն է:
«Անլուրջ բաները չենք մեկնաբանում »,- մեզ հետ զրույցում ծեծին դաշնակցականների կապի վերաբերյալ ՀԱԿ անդամի կասկածներին այսպես արձագանքեց ՀՅԴ Բյուրոյի անդամ Արսեն Համբարձումյանը:
Կարդացեք նաև
Արփինե ՍԻՄՈՆՅԱՆ
