Լեւոն Երանոսյանի պաշտպան. «Որպես վկա հարցաքննեք Փաշինյանին, Օսիպյանին եւ Հունան Պողոսյանին»

Ինչպես ավելի վաղ հայտնել էինք, այսօր սկսվել է նախկին փոխոստիկանապետ Լեւոն Երանոսյանի գործով առաջին դատական նիստը։

Հիշեցնենք, որ Երանոսյանը մեղադրվում է  պաշտոնեական լիազորություններն անցնելու համար։ Ըստ քրեական գործի նյութերի`Լևոն Երանոսյանը, չունենալով լուսաձայնային հատուկ միջոցներ ստանալու և անձամբ գործադրելու լիազորություն, 2018 թվականի ապրիլի 16-ին և 22-ին՝ Երևանում բողոքի զանգվածային ակցիաների ժամանակ, ցուցարարների նկատմամբ գործադրել է 8 հատ «Զարյա» տեսակի լուսաձայնային նռնակներ, ինչի հետևանքով երկու տասնյակից ավելի անձանց տուժել է։ Երանոսյանի կողմից հատուկ միջոցների գործադրման հետևանքով Բաղրամյան պողոտայում ծառայող ոստիկանության զորքերի զինծառայողներից 6 հոգի ստացել են մարմնական վնասվածքներ։

Լեւոն Երանոսյանի շահերի պաշտպան, փաստաբան Տիգրան Սաֆարյանը դատարանին միջնորդեց որպես վկա հարցաքննել վարչապետ Նիկոլ Փաշինյանին, որն այդ ժամանակ առաջնորդում էր ժողովրդական շարժումը, Հունան Պողոսյանին, որն այդ ժամանակ ոստիկանության պետի առաջին տեղակալն էր, եւ, ըստ պաշտպանի, անձամբ է ամեն ինչ տեսել, եւ ՀՀ ոստիկանապետ Վալերիյ Օսիպյանին, որն այդ ժամանակ Երեւանի ոստիկանապետն էր։ Ըստ Տիգրան Սաֆարյանի` նրանք կարեւոր տեղեկություններ կարող են հայտնել, որոնք առնչվում են Լեւոն Երանոսյանին առաջադրված մեղադրանքին։

Գործով մեղադրող-դատախազ Սաֆարյանը, ինչպես նաև տուժած քաղաքացիների պաշտպանները չհամաձայնեցին եւ միջնորդության դեմ առարկեցին։

Կարդացեք նաև

«Ներքին զորքերի կողմից, ապրիլի 16-ին կիրառվել է չորս նռնակ, բայց այդտեղ՝ չորսից ավել է կիրառվել, տեսաժապավեններում երեւում է». Լեւոն Երանոսյանը հրաժարվեց ցուցմունք տալ

• 17:35 01.03.2024

«ՀՀ սահմաններին զորքերի կուտակումներն ուժի ցուցադրություն են՝ սպառնալիք, ոչ թե զինվորական շքերթ՝ ի պատիվ ՀՀ իշխանության»

• 11:07 09.02.2023

«Ծանր է ինձ համար, երբ սպայի ուսադիր կրող մարդը, որը համարել է, որ Նիկոլ Փաշինյանը պետք է հեռանա, նրա ձեռքից ստանում է պաշտոնը»

• 15:00 18.07.2022

Տուժողներից մեկն էլ հայտարարեց` եթե Երանոսյանի հանդեպ մեղադրական դատավճիռ կայացվի, ինքը բավարարված չի լինի, քանի որ Երանոսյանը հրաման կատարող է եղել։ Դատավոր Հարություն Մանուկյանը որոշեց Երանոսյանի պաշտպանի միջնորդությունը քննարկել ապացույցների հետազոտման փուլից հետո միայն։

https://www.facebook.com/aravot.am/videos/370501326914602/?__xts__[0]=68.ARCt74FH5D3oC5HLHCvId8KnamaYARe-hR-8kyVmBC89sbjPoJhamSBjJARza0lkaRGFOtuodYnjSFz3TZ23sBM5m0Ho_Y7O1xd31vKFpELEo-xWP8wG7zeKyngzX-5GayPDFyrPjN2rwxcTl9bcbMBasOLuIosPLbjj9E-0i2vYQPnOcvbiglAflPxlUa65WxWP1vv34c4sqSDYLFUq3by6ZE2EPzeKCIovpH4Vv40IEr4QHkD1eqP1wE7L5dUCMbgHnJ7oY6mIMzMwepFt52B-hfkE2816Nkn3VPAshIOb_mMlnbCktPiaTlYsD08x9qJaqrUNEV2C2r8ZHMNfcZ3R-yMvCVOMex0&__tn__=-R

Լուիզա ՍՈՒՔԻԱՍՅԱՆ