«Փաշինյանի ելույթից պարզ էր, որ նա չի կարողանում վերահսկել Արցախի իշխանությանը, բայց նա կարիք էլ չունի: Խնդիրն այն է, որ Արցախի եւ ՀՀ-ի ղեկավարությունը մինչ օրս ունեցել են նույն ծագումնաբանությունը՝ ղարաբաղյան պայքար, ինչը չես ասի ՀՀ նոր իշխանության մասին»,-«Հենարան» մամուլի ակումբում լրագրողների հետ հանդիպմանն այսօր անդրադառնալով Նիկոլ Փաշինյանի մայիսի 20-ի ելույթում Արցախի վերաբերյալ շեշտադրումներին, ասաց քաղաքագետ Աղասի Ենոքյանը:
Նրա բնորոշմամբ. «Հիմա պետք չէ փորձել Արցախի իշխանությանը ենթակա դարձնել: Պատերազմի վտանգ կա եւ այն իրական է, բայց անհեթեթ է համարել, թե Արցախը կարող է հող զիջել թշնամուն միայն նրա համար, որ դրանում մեղադրեն Նիկոլ Փաշինյանին: Սա լուրջ չէ»:
Ինչ վերաբերում է «Իմ քայլը»-Բակո Սահակյան երեկվա փակ հանդիպմանը, քաղաքագետը նշեց. «Դրա իրական նպատակը կարող է լինել պատերազմի հոտի վերաբերյալ մեկնաբանությունները հասկանալը եւ գնահատելը, թե ինչպես կարելի է վարվել»:
Այլ մանրամասները՝ տեսանյութում
Կարդացեք նաև
https://www.facebook.com/aravot.am/videos/331213980858963/
Լուիզա ՍՈՒՔԻԱՍՅԱՆ
