«Փաշինյանի երեկվա ելույթն ինձ համար երեք ուղերձներ էր պարունակում: Առաջին՝ նա չի կարողանում վերահսկել դատարանները, երկրորդ՝ չի կարողանում վերահսկել Արցախի իշխանությանը եւ երրորդ՝ կա պատերազմի վտանգ, որի ընթացքում հնարավոր է տարածքների կորուստ»,-«Հենարան» մամուլի ակումբում լրագրողների հետ զրույցում այսօր անդրադառնալով դատարանների շրջափակմանը հաջորդած Նիկոլ Փաշինյանի մայիսի 20-ի ելույթին՝ ասաց քաղաքագետ Աղասի Ենոքյանը:
«Բայց Նիկոլ Փաշինյանը չպետք է վերահսկի դատական մարմինները, դրանք անկախ են եւ գործադիրի վերահսկողության կարիքը չունեն: Եթե դատարանների հետ խնդիրներ կան, պետք է տրվեն կոնկրետ դատավորների անուններ: Բայց հայտարարել, որ այսպես է կամ այնպես, դա անպատասխանատվություն է: Անուններ տվեք»,-միաժամանակ շեշտեց Աղասի Ենոքյանը:
Նրա գնահատմամբ՝ դատարանների շրջափակման կոչ անելով՝ Նիկոլ Փաշինյանը քաղաքացիներին մղեց հանցագործություն կատարելու. «Դատարաններն արգելափակելն արդարադատության իրականացմանը խոչընդոտել է նշանակում»:
Այլ մանրամասները՝ տեսանյութում
Կարդացեք նաև
https://www.facebook.com/aravot.am/videos/331213980858963/
Լուիզա ՍՈՒՔԻԱՍՅԱՆ
