«Իմ վերաբերյալ կարող եմ ասել, որ ոչ՝ չեմ պատրաստվում հրաժարական տալ, քանի որ հիմա աշխատում եմ էլեկտրոնային արդարադատության հայեցակարգի վրա, որի ներդրմամբ՝ կգործի տվյալների մշակման կենտրոն»,-լրագրողների հետ զրույցում այսօր հայտարարեց ՀՀ բարձրագույն դատական խորհրդի անդամ, իրավաբան Հայկ Հարությունյանը՝ արձագանքելով Նիկոլ Փաշինյանի այն կոչին, որով նա կողմնակալ դատավորներին խորհուրդ էր տալիս հրաժարական տալ:
Հիշեցնենք, որ Հայկ Հովհաննիսյանը երեկ հանդես էր եկել հայտարարությամբ՝ չհամաձայնելով ՀՀ բարձրագույն դատական խորհրդի այն որակման հետ, թե Փաշինյանի՝ դատարանների շենքերը շրջափակելու կոչը դատարանների աշխատանքի խոչընդոտում է: «Բայց եթե լինի հանրային պահանջ, հրաժարական կտամ»,-վստահեցրեց Հայկ Հովհաննիսյանը:
Հարցին՝ «կողմնակալ դատավորներ կա՞ն», նա պատասխանեց. «Այսօր փաստ է, որ հանրային վստահությունը դատավորների հանդեպ ցածր է, իսկ դա խոսում է այն մասին, որ՝ այո…»:
Այլ մանրամասները՝ տեսանյութում
Կարդացեք նաև
https://www.facebook.com/aravot.am/videos/838028616577864/
Լուիզա ՍՈՒՔԻԱՍՅԱՆ
