Երեւանի ընդհանուր իրավասության դատարանի Նոր Նորքում գտնվող նստավայրն այս պահին շրջափակված է ցուցարարների կողմից։ Նրանց թվում է Պետական վերահսկողության ծառայության ղեկավարի լիազորությունները կասեցրած, «Հեմոդիալիզի գործով» մեղադրյալ Դավիթ Սանասարյանը։ Նա նշեց, որ մասնակցելով այս գործողություններին` իր քաղաքական դիրքորոշումն է հայտնում։
Հիշեցնենք, որ դատարանների մուտքերը շրջափակելու կոչով երեկ հանդես էր եկել վարչապետ Նիկոլ Փաշինյանը։
Իրավապաշտպան կազմակերպություններն ու քաղաքական ուժերի մի մասն այն որակել էին որպես հակասահմանադրական եւ դատարանների վրա ճնշման փորձ։ «Թող ասեն, թող քննադատեն։ Մենք գիտենք, թե ովքեր են այդպես ասողները»,-նշեց Դավիթ Սանասարյանը։
Լուիզա ՍՈՒՔԻԱՍՅԱՆ
Կարդացեք նաև
