Հայաստանի հանրապետությունում իշխանությունը պատկանում է ժողովրդին:
ՀՀ Սահմանադրություն
Ու եթե այդ իշխանության ճյուղերից ցանկացածի հանդեպ անվստահություն ու դժգոհություն կա, ժողովուրդը հանգիստ կարող է իրացնել իր՝ բողոքի և փոփոխություն պահանջելու իրավունքը:
Իբր պետականամետ խաղացողները, որ տարիներ շարունակ թքած են ունեցել ապօրինի որոշումների վրա, խեղված ճակատագրերի, տրորված իրավունքների վրա, լուռ համաձայն էին այդ ամենի արդյունքում պետական ինստիտուտների հանդեպ անվստահության ձևավորմանը, որը պարբերաբար վերածվում էր պետական ինստիտուտ֊քաղաքացի թշնամանքի:
Հեղափոխությունից հետո բիրդան պետության համար մտահոգ դարձան: Յա, իրո՞ք:
Ատելությունից ու ագրեսիվությունից են բողոքում: Տեսնես ո՞վ էր այն ցանել ու շարունակում ցանել մեդիադաշտում ու սոցցանցերում: Քամի ցանողը փոթորիկ կհնձի: Ու փոթորկից միայն փրկեց հեղափոխության խաղաղ, ոչ բռնի բնույթը, որը, սակայն, չգնահատեցին: Ավելին, շարունակեցին նեգատիվ արտադրելն ու կուտակելը:
Կարդացեք նաև
Հայաստանի հանրապետությունում իշխանությունը պատկանում է ժողովրդին: Դուր է գալիս դա ձեզ, թե՝ ուղեղներիդ դեռ չի հասել:
Իզաբելլա ԱԲԳԱՐՅԱՆ
Երեւանի ավագանու «Իմ քայլը» խմբակցության անդամ
