«5-րդ ալիքի» սեփականատեր Արմեն Թավադյանը քիչ առաջ իր փաստաբան Նարեկ Ալոյանի հետ դուրս եկավ Երեւանի ընդհանուր իրավասության դատարանից: Նրա շահերի պաշտպանը լրագրողներին տեղեկացրեց, որ Երեւանի ընդհանուր իրավասության դատարանը մերժել է Թավադյանին կալանավորելու քննիչի միջնորդությունը. «Նա կմնա ազատության մեջ: Միջնորդությունն անհիմն էր»:
Հիշեցնենք, որ քաղաքացիական ակտիվիստ Վարդգես Գասպարիի հաղորդման հիման վրա քրեական գործ է հարուցված: Գասպարին հայտնել է, որ մայիսի 13-ին՝ Ռոբերտ Քոչարյանի խափանման միջոցի հարցի քննության ժամանակ իր հանդեպ բռնություն են գործադրել, շշով հարվածել դեմքին:
«5-րդ ալիքի» սեփականատեր Արմեն Թավադյանը մեղադրյալ է ճանաչվել: Իսկ թե արդյոք Թավադյանը շարունակո՞ւմ է հարուցված քրեական գործն իր հանդեպ քաղաքական հետապնդում համար, նրա փաստաբան Ալոյանը նշեց. «Գործի քննության ընթացքում մեր բոլոր դիրքորոշումները կհայտնենք»:
Ինքն՝ Արմեն Թավադյանը մեկնաբանություններ չտվեց, միայն շնորհակալություն հայտնեց իր աջակիցներից՝ դատարանի դիմաց սպասելու համար:
Կարդացեք նաև
Հիշեցնենք, որ Թավադյանը ի զորակցություն Ռոբերտ Քոչարյանի կազմակերպված հավաքների մասնակից է:
Լուիզա ՍՈՒՔԻԱՍՅԱՆ
