ՀՀ երկրորդ նախագահ Ռոբերտ Քոչարյանի խափանման միջոց կալանքը փոխելու դեմ պայքարող քաղաքացիները, խափանման միջոցը փոխելու դատարանի որոշումից հետո քայլերթով շարժվեցին դեպի Ազատության հրապարակ:
Բողոքի ակցիայի կազմակերպիչները հորդորում են մարդկանց Ազատության հրապարակում միանալ իրենց եւ համատեղ որոշել, թե ինչպե՞ս շարունակեն պայքարել Ռոբերտ Քոչարյանի խափանման միջոցը փոխելու դեմ:
Բոլոր վարորդներին էլ կոչ են անում բարձրանալ հարթակ` իրար հետ որոշելու, թե ինչպե՞ս են ճանապարհները փակելու: «Եթե մինչեւ երկուշաբթի օրը Ռոբերտ Քոչարյանը կալանավորված չլինի, Հայաստանում կլինի տոտալ բլոկադա»,- հայտարարեց կազմակերպիչներից մեկը:
Ժամը 20.00-ին Ազատության հրապարակում հանրահավաք է հրավիրվել:
Կարդացեք նաև
Հիշեցնենք, Ռոբերտ Քոչարյանն ազատ արձակվեց Արցախի նախագահներ Բակո Սահակյանի եւ Արկադի Ղուկասյանի անձնական երաշխավորությամբ:
«Այո, Արցախը մեր մարզն է, բայց Արցախի նախագահն իրավունք չունի»,- նման հայտարարություններ են հնչում Ազատության հրապարակում: Ցույցի մասնակիցները պնդում են, որ Ռոբերտ Քոչարյանը պետք է անհապաղ կալանավորվի եւ, որ իրենք անպայման հասնելու են արդարության:
Ցույցի մասնակիցներից առաջարկեցին պահանջել վարչապետ Նիկոլ Փաշինյանի հրաժարականը: Կազմակերպիչները հավաքվածներին հորդորում են սադրանքների չտրվել, քանի որ իրենց ցույցը հակաիշխանական չէ:
Նելլի ԳՐԻԳՈՐՅԱՆ
