Քաղաքային տնտեսությունն ինքնահոսի է մատնված, այս մեկ տարվա ընթացքում ոչ մի խնդիր լուծում չի ստացել: Սակայն քաղաքապետ Հայկ Մարությանը դրա փոխարեն նախընտրում է սեփական աշխատավարձը կրկնապատկել, իսկ վերելակների և տրանսպորտի բարեփոխման ֆինանսական բեռը դնել քաղաքացիների ուսերին: Երևանցիների 80 տոկոսի վստահության քվե ստացած քաղաքապետը գլուխ չի հանում ոչ միայն քաղաքային խնդիրներից, այլև կադրային քաղաքականությունից: Մայրաքաղաքի խնդիրների շուրջ զրուցում ենք Երևանի ավագանու «Լույս» խմբակցության ղեկավար ԴԱՎԻԹ ԽԱԺԱԿՅԱՆԻ հետ:
-Մեկ տարի է` մայրաքաղաքի ղեկավարումն անցել է նոր իշխանությունների ձեռքը: Խոստումների քանի՞ տոկոսը հաջողվեց կատարել: Ի՞նչ է փոխվել Երևանում:
-Երևանում շատ բան է փոխվել, ավելի է վատացել աղբահանության, տրանսպորտի վիճակը, իսկ բյուջեն առաջին եռամսյակում թերակատարվեց: Թե ինչ չափով են խոստումները կատարվել, բոլորին է տեսանելի: Բնականաբար մենք չէինք ակնկալում, որ փոփոխությունները մեկ տարում պետք է լինեն, այլ սպասում էինք, որ գոնե այդ ուղղությամբ աշխատանքներ կսկսվեն: Այնինչ այդ աշխատանքները հիմնականում սկսված չեն:
-Չնայած դրական միտում չկա ոչ մի ուղղությամբ, սակայն քաղաքապետը չխորշեց դրանից ու բերեց սեփական աշխատավարձը կրկնապատկող նախագիծ, որն առայժմ կասեցվեց: Ինչպիսի՞ն է Ձեր գնահատականն այդ նախագծին:
Կարդացեք նաև
-Քաղաքապետարանի աշխատակազմի աշխատավարձի բարձրացման անհրաժեշտություն միանշանակ կա: Բայց իրենք անհամաչափ հաստիքացուցակ էին ներկայացրել, մասնավորապես հայեցողական պաշտոնների համար, այսինքն նորանշանակների համար աշխատավարձի աճը կազմել է 100 տոկոս, իսկ մնացածների համար` 25-30 տոկոս:
-Ասել է` այս ժամանակահատվածում արդարացված չէ՞ նման որոշումը:
-Արդարացված է աշխատավարձների բարձրացումը, նույնիսկ ժամանակավրեպ է, բայց այն հաստիքացուցակը, որ ներկայացրել էին, արդար չէ:
Զրույցը՝ Ռուզան ԽԱՉԱՏՐՅԱՆԻ
Հոդվածն ամբողջությամբ՝ «Իրատես» թերթի այսօրվա համարում:
