Չինարենը ներառված է Գինեսի ռեկորդների գրքում որպես աշխարհի ամենաբարդ լեզուներից մեկը։
Չինարեն սովորելու և գրելու համար անհրաժեշտ է սովորել ավելի քան 400 հազար սիմվոլ:
Մայիսի 16-ին Երևանի « Արմենիա Մարիոթ » հյուրանոցում անցկացված ամենամյա «Չինարենի կամուրջ » մրցույթին մասնակցած աշակերտներն ու ուսանողները տիրապետում էին այդ բոլոր սիմվոլներին։
Հայաստանում մրցույթն անցկացվում է 6-րդ անգամ ուսանողների, 4-րդ անգամ՝ դպրոցականների շրջանում:
Առաջին անգամ անցկացվել է 2014 թ։ Սկզբում մասնակցել են միայն ուսանողներ,հետո նաև աշակերտներ։
Մասնակիցները տարբեր դպրոցներից և համալսարաններից են,ովքեր չինարեն սովորում են Բրյուսովի անվան լեզվաբանական համալսարանին կից Կոնֆուցիոսի ինստիտուտում։
Մրցույթի կազմակերպիչներն են ՀՀ-ում ՉԺՀ դեսպանատունը, ԵՊԼՀ-ի Կոնֆուցիուսի ինստիտուտը:
Ժյուրիի անդամները չինացիներ էին և չինարենի տեղացի ուսուցիչներ:
Մրցույթը կազմված էր չորս փուլից: Առաջին փուլում մասնակիցները հանձնում են գրավոր քննություն, երկրորդ փուլում` պատասխանում ժյուրիի հարցերին:
Այսօր կայացած երրորդ փուլում մասնակիցները ելույթներ ունեցան չինարենով, իսկ չորրորդ փուլում ներկայացրեցին չինական մշակութային համարներ:
Հակոբ Կոջոյանի անվան դպրոցի աշակերտ,մրցույթի մասնակից 14-ամյա Նանե Ենգիբարյանը վեց տարի է զբաղվում է չինարենի ուսումնասիրությամբ.«Ութ տարեկանից եղբորս հետ սկսել եմ սովորել չինարեն։Սկզբում ուզում էինք այնպիսի լեզու սովորել,որ թաքուն խոսեինք,մեզ չհասկանային։ Ես ու եղբայրս որոշեցինք հենց չինարեն սովորել և գնացինք Կոնֆուցիոսի ինստիտուտ ։ Չինարեն սովորելու մոտիվացիան եղել է այն,որ ուզում եմ սովորել Չինաստանում՝ Շանհայ քաղաքում ։ Հիմնական դժվարությունը ինձ համար չինական տոները հիշելն է,բայց փորձում եմ դժվարությունները հաղթահարել », – շեշտեց նա։
ԵՊԲՀ երկրորդ կուրսի ուսանող,մրցույթի մասնակից Մերի Պապյանը չինարենի թարգմանչուհի քույրիկի խորհրդով արդեն 4 տարի է սովորում է չինարեն.«Երբ ընդունվում էի ու իմացա,որ դասախոսը չինացի է լինելու կոտրվեց,մտածում էի ոնց պիտի հաղորդակցվեմ ,բայց երբ արդեն սկսեցի շփվել հասկացա,որ ավելի լավ է այսպես։ Բարդը այն է,որ չինարենում կա չորս տոն ու նույն հիերոգլիֆը տարբեր տոներով տարբեր նշանակություն ունի.եթե սխալ ենք ուրիշ տոն ասենք,նախադասություն այլ իմաստ կունենա»։
Քվանտ վարժարանում սովորող Մերի Գրիգորյանը Կոնֆուցիոսի ինստիտուտում երեք տարի է,ինչ ուսումնասիրում է չինարեն . «Քույրս սովորում էր չինարեն,և քանի որ չինարենը ամենահայտնի լեզուներից մեկն է աշխարհում ծնողներս առաջարկեցին սովորել չինարեն։Որոշեցի ուսումնասիրել և ինչու չէ նաև հասնել հաջողությունների»։
Մրցույթը կապող կամուրջ է հայ և չինացի ժողովուրդների միջև և հնարավորություն է տալիս ավելի մոտիկից ծանոթանալու չինական լեզվին, մշակույթին և արվեստին ։
Հաղթող մասնակիցը հնարավորություն կունենա մեկնել Չինաստան ։
Գայանե Հարոյան
