ՀՀ երրորդ նախագահ Սերժ Սարգսյանի եղբորորդու` Հայկ Սարգսյանի գործով` այսօր շարունակվող դատական նիստին ներկա էր նաև Սերժ Սարգսյանի եղբայր Ալեքսանդր Սարգսյանը: Դատական նիստին նա մասնակցում էր վկայի կարգավիճակով: Սակայն նա հրաժարվեց ցուցմունք տալ և որևէ հայտարարություն անել կամ հարցերին պատասխանել: Հարցաքննվեցին վկաներ Լաուրա Առաքելյանն ու Խաչատուր Խաչատրյանը:
Հիշեցնենք` ՀՀ քննչական կոմիտեի ԵՔՔՎ Կենտրոն և Նորք Մարաշ վարչական շրջանների քննչական բաժնում ավարտվել է 2007 թվականին Դավիթ Սիմոնյանի նկատմամբ սպանության փորձ կատարելու դեպքի առթիվ հարուցված քրեական գործի նախաքննությունը։ Ձեռք բերված ապացույցների համակցությամբ` մեղադրանք է առաջադրվել Հայկ Սարգսյանին։
Հայկ Սարգսյանը նիստի ավարտից հետո լրագրողների հարցին`շփումներ ունե՞ն հորեղբոր` Սերժ Սարգսյանի հետ, նա պատասխանեց` ոչ: Հարցին` ի՞նչ տեղեկություններ ունի եղբոր` Նարեկ Սարգսյանի մասին, Հայկ Սարգսյանը պատասխանեց. «Իր առողջականը նորմալ է, տրամադրությունը նորմալ է, մարտական է տրամադրված » :
Հացին` ինչի՞ համար, Հայկ Սարգսյանը պատասխանեց` բա ո՞նց պիտի լինի: Նա ասաց, որ տեղյակ չէ` եղբորը մեղադրանք է առաջադրվել: Դառնալով իր գործին` ասաց, որ չի ընդունում մեղադրանքը և արդարադատություն է սպասում:
Կարդացեք նաև
Հայկ Սարգսյանի պաշտպան Երեմ Սարգսյանը Aravot.am-ի հետ զրույցում ասաց, որ վկաների հայտարարություններում որևէ էական նշանակության փաստական հանգամանքներ չկային:
Նրա տեղեկացմամբ` հաջորդ դատական նիստը նշանակվեց հունիսի 18-ին` ժամը 15.00-ին:
Տաթև ՀԱՐՈՒԹՅՈՒՆՅԱՆ
