Մարտի մեկի գործով այսօրվա նախնական նիստը, որի ընթացքում նախատեսվում է քննել մեղադրյալ՝ ՀՀ երկրորդ նախագահ Ռոբերտ Քոչարյանի խափանման միջոցի քննության հարցը, անցնում է լրատվամիջոցների աշխատանքի համար ոչ նպաստավոր պայմաններում: Նախ, ընտրված նիստերի դահլիճը շատ փոքր է, եւ ԶԼՄ-ների ներկայացուցիչների մի մասը չի տեղավորվում: Մյուս կողմից, դատավոր Դավիթ Գրիգորյանը չընդունեց Քոչարյանի պաշտպանների առաջարկը՝ նիստերն անցկացնել Երեւանի ընդհանուր իրավասության դատարանի Շենգավիթի նստավայրի ավելի մեծ դահլիճում, եւ դատարանի կարգադրիչներին թույլատրեց ներս թողնել դահլիճից դուրս մնացած Ռոբերտ Քոչարյանի աջակիցներին: Նրանք պարբերաբար վանկարկում են. հաճախ լսելի չէ, թե ինչ է կատարվում նիստերի դահլիճի ապակե դռներից այն կողմ:
Ի դեպ, Ռոբերտ Քոչարյանի աջակիցների մի մասը դատարան է մուտք գործել լրագրողական անցագրերով: Արմեն Մինասյանն, օրինակ, բղավում էր, որ ինքը լրագրող է, սակայն իրեն ներս չեն թողնում: Նիստն ընդմիջվել է, որպեսզի Ռոբերտ Քոչարյանի պաշտպանները հստակեցնեն դատավոր Դավիթ Գրիգորյանին ինքնաբացարկ հայտնելու հիմքերը:
Լուիզա ՍՈՒՔԻԱՍՅԱՆ
Կարդացեք նաև
կարելի է նաեւ որ իր հակառակորդներից մէկն ալ դահլիճ է եկել դատաւորի տիտղոսով…